WILLEMSTAD – Ministerio di Finansa ta informá ku Departamento di Registro di Tèstamènt , situá na Pietermaai 17, lo ta será dia 5 i 6 di novèmber pa motibu di mudansa pa un otro lokalidat.
Entrante 7 di novèmber, e departamento lo ta habrí atrobe pa públiko na su adrès nobo: Pietermaai 4-4A.
Entrada di Registro di Tèstamènt ta situá na man drechi di e edifisio. Pa guia bishitantenan, lo tin bòrchi ku ta indiká unda mester bai.
Nos ta pidi diskulpa pa kualke inkumbenensia i ta yama di antemano danki pa e komprenshon i koperashon.
Pa pregunta òf informashon adishonal, por manda un email na inzage.testament@gobiernu.cw.
