Publiká riba 18 Òktober 2024
Willemstad – Minister Charles Cooper huntu ku e Servisio di Planifikashon Urbano (ROP) a otorgá ofishalmente un pèrmit di konstrukshon na Green Maison Development B.V. pa konstruí mas bibienda.
Konstrukshon di 48 bibienda ta bin na Kaminda Fraternan di Skèrpènè z/n, na Scherpenheuvel. E bibiendanan aki ta bin estilo apartamento repartí den 8 edifisio di 3 piso. A tene kuenta ku diferente aspekto di konstrukshon i desague di awa tambe espasio pa por akapará nan bishitantenan. Konstrukshon tin un invershon di mas o ménos 30 mion florin i aki lo terminá kompleto den aña 2025.
E proyekto aki ta marká un kontribushon den nos ekonomia, dor di kreashon di trabou durante e fasenan di e konstrukshon.
