Notisia

Willemstad – Riba 27 di novèmber 2025, e di 4 seshon di Plataforma Kambio di Klima di Kòrsou a tuma lugá na Banko Sentral di Kòrsou i Sint Maarten, ku sra. Leyla Mantroos komo anfintrion. Esaki tabata un evento dediká na diskushon di reto, oportunidat, i strategianan pa oumentá resilensia klimátiko di nos isla. 

Minister Charles Cooper, representando Gobièrnu di Kòrsou, a habri e plataforma ofisialmente den presensia di su ekselensia Gobernador Mauritsz de Kort. E plataforma ta presidِí pa Dr. Albert Martis.

Durante di e seshon, a presentá i analisá varios tópiko esensial pa futuro di Kòrsou. E tópikonan prinsipal tabata:

• Salú Planetario i Impakto di Kambio di Klima. Prof. Ashley Duits a duna un presentashon riba kon kambio di klima ta afektá salú humano, ekosistema, i bienestar sosial.
• Planifikashon Urbano Resiliente. Ir. Dennis Klaus a mustra e importansia di diseñá siudat, bario, edifisio, i kasnan ku por resistí e efektonan di kambio di klima, manera entre otro planta palunan grandi kantu di kaya, di manera ku esaki ta krea un ambiente mas fresku.
• Senario Klimátiko pa Kòrsou. Proyekshon di klima pa nos isla, hasiendo uso di estudionan lokal i internashonal di Servisio Meteorológiko di Kòrsou.
• Maneho pa Adaptashon. Guia pa uniformá desaroyo di maneho lokal.
• Finalmente, un proyekto eksitoso na Hòfi Rooi Catootje a wòrdú presentá den kuadro di un solushon inovativo pa manehá awa.

E seshon a finalisá ku un dialogo interaktivo entre partisipantenan di sektor gubernamental, privá i akadémiko. Varios idea i sugerensia a bin dilanti tokante kon Kòrsou por kombatí e efektonan di Kambio di Klima. 

Algun punto ku a resaltá durante e diskushon ta:

Plataforma di Kambio Klima ta reafirmá su kompromiso pa sigui traha huntu ku partnernan den gobièrnu, komunidat, i sektornan privá pa logra un Kòrsou mas resiliente, mas fuerte i mas prepará pa nos futuro klimátiko.

MAS NOTISIA

Ministerio konserní: Tráfiko, Transporte i Planifikashon Urbano