Publiká riba 17 Mei 2024
Willemstad – Dia 18 di mei 2024 Organisashon Mundial Marítimo (IMO) ta pone atenshon na Hende Muhé ku ta laborá den sektor marítimo. E hende muhé ta para pa igualdat, kibra bareranan, i lucha pa dilanti.
Na Outoridat Marítimo di Kòrsou (MAC), tin diferente hende muhé ta laborá, i un di nan ta Marianne Mathilda – Martina, ku tin mas di 40 aña di eksperiensia. Sra. Mathilda – Martina ta traha komo un eksperto di tripulante pa barkunan ku ta registrá na MAC. E ta kontrolá si e tripulante su dokumentunan ta bon pa traha riba un embarkashon di Kòrsou, i si tur kos ta na òrdu, e ta emití na nòmber di MAC, un sertifikado ku e tripulante por subi nos embarkashonnan, i e ta otorgá e asina yamá ‘Monsterboekje’, ku ta un pasaporte di tripulante.
Minister Charles Cooper ta deseá tur hende muhé den e sektor marítimo di Kòrsou un dushi dia.
