Publiká riba 13 Mei 2024
Willemstad – Durante luna di mei 2024 diferente proyekto di infrastruktura ta inisiá. Minister Charles Cooper huntu ku Servisio pa Obra Públiko (OW) ta pidi komunidat su koperashon durante ehekushon di e proyektonan aki.
Drecha Krusada elevá Rotterdamweg / Dr. Martin Luther King Blvd
Riba 19 di mei trabounan ta drecha e krusada elevá na Rotterdamweg / Dr. Martin Luther King Blvd. E trabou aki tin un durashon di un anochi i lo traha di 8or di anochi pa 5or di mainta. Kontratista Aliansa Civil Roadworks ta enkargá ku ehekushon.
Asfaltá Kaya Aura Winkel, Warahamaweg, i Wanapaweg
Trabounan pa asfaltá Kaya Aura Winkel, Warahamaweg, i Wanapaweg a kuminsá riba djaluna 13 di mei. E trabounan aki lo tin un durashon di 11 dia i ta bou di enkargo di kontratista MNO Vervat.
Asfaltá parti ost di Don Martina Boulevard (Nieuwe Haven)
Dia 27 di mei, trabounan pa asfaltá parti ost di Don Martina Boulevard (Nieuwe Haven) ta inisiá. Esaki lo tin un durashon di 4 siman i ta bou di enkargo di kontratista Aliansa Civil Roadworks. Lo ehekutá e trabou aki den diferente fase.
Asfaltá krusada Architechtenweg/Kaya Kooyman
Riba 13 di mei lo asfaltá e krusada Architechtenweg/Kaya Kooyman. E trabounan lo tin un durashon di 1 anochi i ta traha di 8or di anochi pa 5or di mainta. Aliansa Civil Roadworks ta e kontratista enkargá.
Asfaltá Dominguitoweg, Granaatappelweg, i Guyabaweg
Riba 13 di mei trabounan pa asfaltá Dominguitoweg, Granaatappelweg, i Guyabaweg ta inisiá. E trabounan lo tin un durashon di 8 dia, i ta bou di enkargo di kontratista Ortela Schoonmaakbedrijf en General Contractor.
Tene kuenta ku lo pa kada proyekto lo tin desviashon di tráfiko. Abitantenan i komersiantenan riba e kaminda lo keda aksesibel durante ehekushon di e proyekto. Tambe ta pidi pa tene kuenta ku e trahadónan ku ta trahando riba kaya. Ban kore ku koutela i ban poko poko riba kaminda.
