Notisia

Willemstad – Ministerio di Tráfiko, Transporte i Planifikashon Urbano (VVRP) ta partisipá ku enkonekshon ku un seshon informativo pa su personal, riba djabièrnè 12 di yüli 2019, e ofisinanan di e ministerio lo no por brinda e servisio manera kustumbrá.

Personal di Ministerio di Tráfiko, Transporte i Planifikashon Urbano a risibí un invitashon pa partisipá na un seshon informativo. Mirando e importansha di e seshon informativo aki, e servisionan ku ta forma parti di e Ministerio di Tráfiko, Transporte i Planifikashon Urbano lo no por brinda un servisio optimal durante di henter dia.

Servisionan ku ta kai bou di e Ministerio di Tráfiko, Transporte i Planifikashon Urbano ta:

1. Servisio pa Planifikashon Urbano (ROP)
2. Servisio pa Obra Públiko (OW)
3. Servisio pa Atministrashon i Maneho di Tereno Públiko (Domeinbeheer)
4. Servisio pa Tráfiko i Transporte (VV)
5. Outoridat Marítimo di Kòrsou (MAC)
6. Outoridat di Aviashon Sivil di Kòrsou (CCAA)
7. Servisio Meteorológiko di Kòrsou (Meteo)

For di awor Minister Jesus-Leito huntu ku Ministerio di Tráfiko, Transporte i Planifikashon Urbano ta pidi su diskulpa pa kualke inkumbinensia ku esaki por trese kuné.

Pa kualke informashon por tuma kontakto ku e Ministerio di Tráfiko, Transporte i Planifikashon Urbano via di e-mail adrès info.vvrp@gmail.com.

MAS NOTISIA

Ministerio konserní: Tráfiko, Transporte i Planifikashon Urbano