Notisia

WILLEMSTAD – Ministerio di Enseñansa, Siensia, Kultura i Deporte (ESKD) den estrecho koperashon ku direktiva di Fundashon Skol Humanista na Papiamentu, den konsulta ku Slachtofferhulp i komishon enkargá ku ehekushon di e prueba EFO,  ta posponé Pruebanan final di Enseñansa di Fundeshi (EFO) na Kolegio Erasmo riba e dianan 13 i 14 mei 2025.

Esaki ta un eksepshon a konsekuensia di e insidente ku a tuma lugá na skol kaminda un alumno durante di e pruebanan awe mainta a bira malu i a fayesé mas lat na CMC. E situashon a impaktá henter e skol. Ta tuma e desishon akí komo ku kada alumno ku ta partisipá na EFO mester ta den balansa emoshonal pa nan por traha na pruebanan di e mihó manera.

Ministerio di ESKD ta hasi un yamada a la bes na tur mayor i tutor pa keda trankil, sigui kuida i tuma bon nota di nos alumnonan su salú, tantu en general komo durante di e periodo di pruebanan.

—

KOMUNIKASHON

Sithree van Heydoorn

Minister di Enseñansa, Siensia, Kultura i Deporte

MAS NOTISIA

Ministerio konserní: Enseñansa, Siensia, Kultura & Deporte