WILLEMSTAD – Resientemente a tuma lugá entrega di diploma na seis personal di prizòn ku a sigui e kurso di bedrijfshulpverlener (BHV) pa ploegleiders na Sentro di detenshon i korekshon Kòrsou.
E kurso aki a keda fasilitá pa Intergrated B.V. i tabata kontené un parti teorétiko i tambe práktiko ku a bin terminá ku un prueba. Durante e kurso a trata e.o: Kon a pa atende ku kandela, proseso di evakuashon i tambe puntonan di atenshon pa un tim di BHV den prizòn.
Na e okashon di e sermonia akí a hiba palabra señor Howard Boelijn komo kòrdinado di BHV na prizòn, Hefe di Seguridat señor Robert Provence, Direktor interino señor Anthony Hasselmeijer i tambe señora Raquel Maduro representante di intergrated B.V. i finalmente hefe di departamentu médiko zuster Emma Hernando a mustra riba e importansia di BHV den nos instituto.
Gerensia ta sumamente satifecho ku e resultado di kurso aki i ta sigur si presenta un kalamidat òf un situashon di peliger den e instituto, nos tin personal sertfifiká pa aktua.
