Notisia

WILLEMSTAD – Resientemente a desaroyá mas material (Volgtoets) relashoná ku enseñansa di fundeshi i a entregá esaki na minister di Enseñansa, Siensia, Kultura i Deporte (ESKD) sr. Sithree van Heydoorn. Kolaboradó di Sentro di Ekspertisio pa Prueba i Èksamen sra. Elke de Vries, i eksperto sra. Lucy Marie-Papa, a hasi entrega ofisial di e material ku nan a tuma na Aruba. 

E material ta spesial pa materianan matemátika (Rekendou), idiomanan papiamentu i hulandes, i ta abarká alumno for di enseñansa di fundeshi, enseñansa sekundario te ku havo/vwo. Relashoná ku e material Rekendou, alumnonan por praktiká for di mas ku 250 sorto di sòm riba tur e kuater nivelnan. Meta di e material destiná pa hulandes i papiamentu (volgtoets) ta pa monitorá e abilidatnan di alumno den kuadro di, entre otro, lesamentu, gramátika i mas. For di aña eskolar 2022/2023 ta usa e material (volgtoets) huntu ku nan guia.  

Awor tin mas material ku por usa durante e aña nan eskolar benidero. 

— 

KOMUNIKASHON 

**Riba e potrèt athunto por tuma nota di e momento ku a entregá e material na minister sr. Sithree van Heydoorn, i direktor di Enseñansa i Siensia sr. Wladimir Kleinmoedig, den presensia di sekretario general sra. Susan Larmonie – van Heydoorn i kolaboradó di maneho sr. Richard Delfina.  Pa mas potrèt bishitá: Entrega di Material

MAS NOTISIA

Ministerio konserní: Enseñansa, Siensia, Kultura & Deporte