Publiká riba 04 Sèptèmber 2018
Fatima College a habri siman ku e tema di “limpiesa”. Esaki den kuadro di World Clean Up Day, ku lo tuma lugá 15 di sèptèmber próksimo.
Den presensiá di Minister di Enseñansa, Siensia, Kultura i Deporte, sra. Marilyn Alcalá-Wallé a hasi apertura di siman i alabes di e proyekto di limpiesa. Meta ta pa konsientisá nos muchanan di e importansia pa tene nos medio ambiente limpi, spar i resiklá. Ya por a mira diferente mannequin ku trahenan di arte di resiklahé ku ta fungi komo modelonan pa konsientisá i inspirá e alumnonan.
Danki na tur e maestronan ku ta enkurashá nos muchanan pa #huntu nos ban pa un Kòrsou limpi i duradero.
