Publiká riba 17 Mart 2024
Willemstad – Den luna di yüni 2023, Vergunningenloket/Lokèt di Pèrmit, a introdusí un sistema digital den kuadro di mehorashon i optimalisashon di su servisionan na pueblo. Remarkabel ta ku Lokèt di Pèrmit a tuma nota ku tin kliente ku ta yama te ainda na 0800 1515 òf 434-1690. E numbernan aki pa basta tempu kaba no ta den funshon mas.
Ku introdukshon di e sistema “e-CuraCase” aki no ta posibel mas pa hasi petishon via di e-mail pa algun dokumento di gobièrnu. E sistema digital aki ta hasi posibel ku no ta nesesario bel pa e servisio sino hasi e petishon via ‘Online’ kual ta loketdigital.gobiernu.cw. E liñanan di telefòn konosí esta 0800 1515 di ántes i esun 434-1690 tampoko ta funshoná mas.
E kanalnan ku por drenta den kontakto ku Lokèt di Pèrmit ta Call Center na 433-3123 i tambe por manda mensahe via social media na Whatsapp ku e number 433-3127, Instagram via di loket.di.permit i FB via di Lokèt di Pèrmit.
No lubidá ku e numbernan di telefòn 0800 1515 i 434-1690 no ta den funshon mas. Pa mas informashon por tuma kontakto ku nos libremente via un di e kanalnan ariba menshoná.
