Publiká riba 28 Desèmber 2024
Gobièrnu di Kòrsou, en konekshon ku fayesimentu di señor ing. Dominico Felipe “Don” Martina, èks Promé Minister di Antia Hulandes, a disidí di mustra un gesto nashonal di luto i rèspèt.
Den e kuadro akí, tur edifisio i instituto di gobièrnu lo hisa bandera na mitar riba djadumingu, 29 di desèmber, i djaluna, 30 di desèmber 2024, na momentu ku solo sali te 6’or di atardi.
Ku e gesto akí Gobièrnu ke demostrá su mas profundo rèspèt pa sr. Don Martina su kontribushon balioso na historia polítiko i gubernamenteal di Kòrsou i èks Antia Hulandes.
