Gobièrnu di Kòrsou ta aselerá desaroyo di Edifisio pa Kuido i Kraamkliniek nobo na Colon
Publiká riba
19 Febrüari 2026
Willemstad – Riba invitashon di minister Charles Cooper, un reunion interministerial estilo mesa rondó a tuma lugá pa aselerá desaroyo di un Edifisio pa Kuido huntu ku e Kraamkliniek nobo na Colon. E reunion a wordu tene tambe na nòmber di minister di Salubridat Tyron Boekhoudt i Promé Minister Gilmar Pisas.
Durante e reunion, partidonan prinsipal a evaluá e estado di e proyekto, alineá prioridatnan i determiná e siguiente pasonan pa mehorá kuido pa adulto i hóben na Kòrsou. E inisiativa ta forma parti di e meta di gobièrnu pa garantisá kuido di kalidat haltu.
E seshon tabata tambe enfoká riba desaroyo integral di Colon komo área residensial i di kuido, kaminda desaroyo urbano i servisionan sosial ta wordu integrá. Ministerio di GMN ta liderá e realisashon di e Edifisio pa Kuido, ku Fundashon Duna Lus i Curaçao Medical Center komo partnernan prinsipal den e área di kuido.
