Notisia

WILLEMSTAD – Ministerio di Hustisia huntu ku su tres fundashonnan GVI, SSHC, AJJC i tambe Voogdijraad, ta anunsiá ku e instansianan lo muda entrante 27 di desèmber 2022 pa un otro lokalidat.

Den kuadro di fushon di e diferente instansianan, e tres fundashonnan Gezinsvoogdij Instelling (GVI), Slachtofferhulp Curacao (SSHC) i Ambulante Justitiële Jeugdzorg (AJJC) huntu ku Voogdijraad, lo muda pa un otro lokalidat temporalmente entrante 27 di desèmber 2022. E adrès nobo kaminda e kuater instansianan akí lo ta situá ta Plasa Horacio Hoyer 9. Entrante 3 di yanüari 2023 nan lo ta habri pa públiko.

Esaki ta nifiká ku

• AJJC lo no ta na St. Martinus Center Unit B-100;
• GVI lo no ta na Rigelweg 10;
• SSHC lo no ta Cas Cora 105, na entrada di Flamingoweg; ni
• Voogdijraad lo no ta na Waaigat 1, te ku próksimo aviso.

Numbernan di kontakto ta:
GVI: 692-4450 i kada kliente ku number di nan respektivo tutor di famia.
AJJC: 520-1940
SSHC: 510-7575, 522-7575, 521-7575 i 527-7500
Voogdijraad: 671-8257 i 671-8259

Nos ta spera di por konta ku boso indulgensia durante di e transishon akí. Alabes nos ke pidi diskulpa pa kualke inkumbiniensia ku esaki por trese kuné.

MAS NOTISIA

Ministerio konserní: Hustisia