Notisia

WILLEMSTAD – Minister di Enseñansa, Siensia, Kultura i Deporte sr. Sithree van Heydoorn a risibí na su despacho sra. Rose Mary Allen pa e echo ku el a risibí e distinshon di Fondo Kultural  (Onderscheiding Cultuurfonds) e aña aki. Huntu ku direktor di Sektor di Kultura i Deporte, sra. Lizette Sambo-Velder, a tene un bunita momento kaminda a interkambiá di idea relashoná ku tur e trabounan ku sra. Rose Mary Allen a ehekutá durante e añanan tras di lomba pa nos pais Kòrsou.

Dia 3 di yüni 2024 a entregá e premio na sra. Rose Mary Allen na Hulanda, i el a risibí e distinshon den forma di “Zilveren Anjer”, ku ta otorgá for di aña 1950 na boluntarionan ku ta traha spesialmente riba e área di kultura i naturalesa den Reino Hulandes. Profesor dr. Rose Mary Allen a risibí e premio pa su investigashon intensivo i úniko ku el a realisá den di nos pasado di sklabitut nos historia. Investigashonnan kaminda a profundisá den kòmbersashon pa sa ken ta nos antepasadonan, i di ken ta nos desendiente.  

Tur e trabounan ekstraordinario akí a pone ku awe nos tin informashon verídiko kaminda nos por wak bèk riba e balor indudabel di nos herensia tangibel i intangibel ku nos tin komo patrimonio kultural di pais Kòrsou den Reino Hulandes. Esaki ta spesialmente pa e parti afrokaribense ku nos tin den nos komunidat. 

Minister di ESKD sr. Sithree van Heydoorn a yama profesor dr. Rose Mary Allen danki i a dun’é un bunita réplika di un kuadro (Ami ta Tanisha) di den su sala di reunion. E kuadro akí ta simbolisá e hóben ku Kòrsou mester sigui traha p’e pa un futuro briante. Kòrsou mester sigui traha p’e pa un futuro briante. 

— 

KOMUNIKASHON 

*Riba e potrètnan athunto por tuma nota di e momento huntu ku sra. Rose Mary Allen. 

MAS NOTISIA

Ministerio konserní: Enseñansa, Siensia, Kultura & Deporte