Publiká riba 14 Yanüari 2026
Willemstad – Promé Minister, señor Gilmar Pisas, ta anunsiá ku djaweps, 15 di yanüari 2026, su ekselensia Gobernador, señor Mauritsz de Kort, lo huramentá un minister nobo pa e Ministerio di Salubridat, Medio Ambiente i Naturalesa (GMN). E minister nobo aki ta señor Tyron Boekhoudt.
E huramentu lo tuma lugá 3:30’or di atardi na Palasio di Gobernador.
Un pabien i bon biní ta bai for di awor pa e minister nobo.
