Inskripshon di kursonan pa karera den transporte públiko a habri
Publiká riba
21 Òktober 2025
Willemstad – Servisio pa Tráfiko i Transporte (UOVV) ta anunsiá ku e inskripshon pa kursonan di transporte públiko a habri riba djaluna 20 di òktober 3or di atardi i ta sera 31 di òktober 12or di anochi.
Inskripshon ta bai via linknan aki:
-Sertifikado A : https://keoss0ex.forms.app/sertifikadoa2025–aa
– Sertifikado B :https://keoss0ex.forms.app/sertifikadob2025–bb
E kursonan aki lo duna partisipantenan e konosementu i habilidatnan fundamental nesesario pa un bon kuminsamentu den e mundu di transporte públiko.
Nos ta invitá tur interesá pa inskribí pa Kurso di Sertifikado A, ku ta prepará partisipantenan pa traha komo shòfùr ousiliar.
Pa loke ta trata e Kurso di Sertifikado B, esaki ta destiná pa esnan ku ta traha aktualmente den e sektor i ke sigui desaroyá pa bira ‘vergunninghouder’.
UOVV ta hasi un yamada na tur esnan ku tin interes den transporte públiko pa tuma e oportunidat aki di formashon.
E sektor ta konta ku un futuro prometedó, enfoká riba atenshon, servisio di kalidat, i kontribushon na e desaroyo di nos ekonomia lokal.
