Instalashon di stènt òf stelazje riba ruta di Karnaval
Publiká riba
30 Yanüari 2026
Willemstad – Tim di Prekario 2026 ta anunsiá ku riba djasabra 31 yanüari 2026 por kuminsa ku tur trabou di konstrukshon pa 12or di marduga, esta for di djabièrnè anochi pa bai bira djasabra. Esaki ta pa tur persona ku tin un pèrmit pa prekario por kuminsá instalá stènt òf stelazje riba ruta di karnaval.
Punto nan importante pa tene kuenta kun’é durante konstrukshon di stelazje:
- Solamente kliente ku tin su pèrmit di prekario i ku a paga esaki por konstruí
- Tur kliente mester kumpli ku e kondishonnan i reglanan stipulá den e pèrmit pa garantisá un instalashon sigur i ordená
Na momentu ku tin kualke situashon, por manda un mensahe via whats app +5999 5121219 ku e siguiente informashon:
- Number di pèrmit
- Ubikashon
- Potrèt di e situashon
- Teksto kòrtiku di e situashon pa resolvé.
Tim di Prekario ta desea pueblo di Kòrsou un felis karnaval 2026 i ban kòrdá kumpli ku tur regla.
