Notisia

Gobièrnu di Kòrsou riba inisiativa di Minister di Enseñansa, Siensia, Kultura i Deporte a instituí Premio Charlwin” Broertje “ Marshall dia 28 di desèmber 2018. E premio ta destiná pa persona ku ta trahando den e tereno kulinario.

Den kuadro di esaki lo tuma lugá kompetensia kulinario den dos (2) kategoria:
1.    Junior chef, den edat di 16 te ku 20 aña
2.    Senior chef,  den edat di 21 aña te ku 30 aña.  

E kompetensianan ta tuma lugá riba 24 di aprel 2019 na Marnix College Cas Cora na Pimpiriweg. Lo tin 3 seshon di kompetensia :

• Di 9:00 – 13:00
• Di 13:30 – 17.30
• Di 18:00 – 21:00

Despues di kada kompetensia lo entregá na kada partisipante un sertifikado i oportunidat pa saka potrèt.

Pa medio di esaki Sektor Kultura i Deporte ta invitá miembro di medionan di komunikashon pa ta presente na e kompetensia Premio Charlwin “Broertje” Marshall
—

Komunikashon

Ministerio di Enseñansa, Siensia, Kultura & Deporte

MAS NOTISIA

Ministerio konserní: Enseñansa, Siensia, Kultura & Deporte