Publiká riba 18 Febrüari 2026
Willemstad – Ministerio di Salú, Medio Ambiente i Naturalesa, bou di direkshon di Organisashon Ehekutivo Medio Ambiente i Maneho di Naturalesa (MNB), a kuminsá ku ehekushon di un investigashon LiDAR i hidrauliko na gran eskala den área di drenashi di Muizenberg.
E investigashon aki ta dirigí riba obtené un bista detayá di e manera ku awa di yobida ta kore, riesgonan di inundashon i áreanan vulnerabel den un di e partinan di Kòrsou ku mas hopi konstrukshon i ku gran importansia stratégiko. E proyekto ta wòrdu ehekutá pa M4 Development B.V., na enkargo di Ministerio di GMN.
E área di drenashi na Muizenberg ta inkluí un zona ku un haltu konsentrashon di kasnan, skolnan, institushonnan di kuido, aktividatnan ekonómiko i infrastruktura vital. Investigashonnan anterior a mustra ku e área ta vulnerabel pa problema di inundashon i posibilidat di desbordamentu di awa, entre otro pa motibu di urbanisashon, kapasidat limitá di drenashi i evento di yobida ekstremo.
Ku e investigashon aki, pa promé biaha lo wòrdu hañá un bista kompletamente aktual, integrá i koherente di e sistema hidrológiko di e área, inkluyendo korementu natural di awa, kanalan i kursonan di awa, damnan i posibel zonanan di inundashon. E trabounan ta inkluí, entre otro:
E skannan LiDAR lo keda ehekutá for di 18 te ku 26 di febrüari 2026. Ku e start di e proyekto aki, Kòrsou ta duna un paso importante den fortifikashon di maneho di awa basá riba data i den oumento di su resistensia kontra kondishonnan di tempu ekstremo.
E konosementu ku lo keda akumulá no solamente lo kontribuí na redukshon di riesgo den área di Muizenberg, sino tambe lo sirbi komo referensia pa áreanan di drenashi similar na otro partidonan di e isla.
