Publiká riba 12 Mart 2026
Willemstad – Lokèt di Pèrmit di Ministerio di Maneho di Gobernashon, Planifikashon i Servisio Públiko (BPD) ta informá ku awe 12 di mart 2026, e miembronan nobo di Komishon eksterno di Hür a reuní pa promé biaha na Lokèt di Pèrmit.
Durante e reunion, e komishon a yega na palabrashonnan konkreto pa kuminsá ku e trabounan i asina atendé e kasonan ku ta pendiente. Ku esaki, e komishon lo reanudá e tratamentu di kasonan entre hürdó i doño di kas, ku e meta pa baha e retraso i mehorá e servisio na komunidat.
Riba e potrèt: e miembronan di e Komishon di Hür — Rick Trenidad, Reagan Celestijn, Mishenu Cicilia i Mirogelle Martha — huntu ku empleadonan di Lokèt di Pèrmit.
E komishon di Hür ta trata kasonan di preis di hür (huurprijsvaststelling) i terminashon di kontrato di hür (huurbeëindiging) konforme e Landsverordening di Hür (P.B. 2011, no. 65).
Lokèt di Pèrmit situá na Saliña 127 Eurobuilding (Banda di Subway) i ta alkansabel via e siguiente kanalnan.
Number di telefòn: 433-3123
Whatsapp: 433-3127
Página sosial Facebook: Lokèt di Pèrmit
Página sosial Instagram: loket.di.permit
Lokèt Digital: https://loketdigital.gobiernu.cw/
Orario:
Djaluna te ku djaweps 08:00 – 15:00 or
Djabièrnè 08:00 – 12:00 or
