Notisia

Ken ta e persona ideal di Kòrsou?
Willemstad- Den kuadro di konstrukshon di nos nashon i e trabounan pa pone tur nanishi den e mesun direkshon, Ministerio di Enseñansa, Siensia, Kultura i Deporte ta organisá seshonnan pa haña mas informashon i kompartí informashon ku komunidat pa por hiba un maneho mas dirigí. Un di e aspektonan ku kontinuamente ta ripití ta: kua ta e persona ideal di Kòrsou? Kua karakterístiká i abilidatnan e mester disponé di dje?

Ta bai tin un seshon habrí dia 20 di yüni, liber di gastu pa komunidat i tin algun orador ku for di nan profeshonalismo ta bai duna un introdukshon promé ku públiko haña e oportunidat pa tambe duna un kontribushon. E oradornan ta:
Sr. Keith Carlo, Defensor di Mucha;
Sr. Ruckly Etienne, Trahador Sosial;
Sr. Curtis Meris, pastor Katoliko Romano;
Sra. Joke King, Funshonario di Enseñansa;
Sr. Bryan Yrausquin, Kamara di Komersio.

Minister Marilyn Alcalá-Wallé ta invitá tur esnan interesá ku ke yuda konstruí nos nashon nobo!

Sea Bonbiní!

Inskribí dor di yen e formulario athunto i mail esaki na Natalie.Davelaar-Kirindongo@gobiernu.cw promé ku 17 di yüni 2019. Klik aki pa e formulario: Formulario di Inskripshon.

—

KOMUNIKASHON

MAS NOTISIA

Ministerio konserní: Enseñansa, Siensia, Kultura & Deporte