WILLEMSTAD – E situashon na Venezuela ta instabil desde e elekshon na yüli 2024. Dia 10 di yanüari próksimo, lo huramentá e presidente nobo, kual por resultá den un oumento di demonstrashon i insidentenan di violensia.
E konseho di biahe pa Venezuela (https://www.nederlandwereldwijd.nl/reisadvies/venezuela) ta negativo. Biaha únikamente pa Venezuela si esaki ta estriktamente nesesario.
Si bo ta den un situashon asina, nos ta pidi bo registrá via e servisio di informashon di e Ministerio di Relashonnan Eksterior di Reino (https://informatieservice.nederlandwereldwijd.nl/). Sea alerta durante di bo estadia na Venezuela! Evitá aglomerashon/multitut di hende i demonstrashon, i sigui notisia via medionan lokal.
Bo ta bai di biahe? No lubidá di deskargá e ‘BZ-reisapp’ (https://www.nederlandwereldwijd.nl/reisadvies/download-reisapp) promé ku bo biaha i sigui e konseho di biahe bálido pa bo destinashon.
Gobièrnu di Kòrsou ta sigui vigilá e situashon na Venezuela i informá komunidat debidamente.
