Publiká riba 04 Desèmber 2025
WILLEMSTAD – EU Desk Kòrsou, bou di Ministerio di Desaroyo Ekónomiko (MEO), a konkluí EU Funds Week 2025 ku éksito, afirmando posishon di Kòrsou komo un di e Pais i Teritorionan Ultramar (konosí komo LGO) mas fuerte pa loke ta trata akseso na Programanan Horizontal di Union Oropeo. Un LGO, òf na Ingles OCT, ta un isla ku konstitushonalmente tin un laso ku un pais miembro di Union Oropeo. A traves di nos laso ku Hulanda, LGO, Kòrsou ta bin na remarke pa diferente fondo Oropeo i tambe tin akseso na merkado Oropeo liber di derecho di importashon.
E fondonan Horizontal ku organisashonan na Kòrsou ta logra realisá, ta kontribuí na desaroyo di abilidatnan empresarial i di empleo, transformashon digital, koperashon kultural, mobilidat di hóben, desaroyo sostenibel, i otro prioridatnan dirigí riba inovashon. Ku esaki e fondonan akí ta kontribuí direktamente na desaroyo ekonómiko di Kòrsou.
Di 17 te 21 di novèmber 2025, mas di 200 partisipante di sektor públiko i privá, NGO, universidat i industria kreativo a eksplorá oportunidatnan bou di e prinsipal mekanismonan di finansiamentu Horizontal Oropeo ku ta disponibel pa Kòrsou. Esaki a inkluí e programanan Erasmus+, Creative Europe, European Solidarity Corps, CERV, Internal Security Fund, Justice Programme, LIFE, Digital Europe i Horizon Europe.
A kuminsá e siman ku un foro ku a kontené kontribushon di e delegashon di Union Oropeo na Barbados, Netherlands Enterprise Agency (RVO), konsultornan di Oropa i di Kòrsou. E presentashonnan a mustra konfiansa di Oropa den kapasidat di Kòrsou i alabes a enfatisá balor di e Areglo di LGO pa desaroyo di komèrsio i eksportashon. E aktividatnan a enserá tambe bishita na proyektonan lokal na Boca Sami, Seaquarium i Kaya Kaya. Esaki a ilustrá e forsa kompetitivo di Kòrsou riba tereno di Blue Economy i Industria Kreativo; sektornan ku ta kuadra estrechamente ku prioridatnan Oropeo.
Un di e momentunan importante di e siman tabata presentashon di e rapòrt enkargá pa Komishon Oropeo: “Report on the Participation of OCTs in EU Programmes 2021–2024,” ku a konfirmá e kresementu fuerte i kontinuo di Kòrsou. E rapòrt ta mustra ku Kòrsou a risibí mas ku €2.5 mión (≈ Cg. 5 mión) vía 66 proyekto ku a envolví 37 benefisiario — e diversidat mas haltu ku un LGO a yega di risibí bou di programanan horizontal. Partisipashon di Kòrsou na e programanan akí ta sigui krese tur aña, lokual ta reflehá kapasidat institushonal fuerte, oumento di preparashon den sektor privá i sivil i mas kolaborashon ku organisashonan Oropeo.
E rapòrt ta enfatisá e ròl importante di EU Desk Kòrsou komo un fasilitadó esensial di e éksito akí. EU Desk lo guia e siguiente fase di partisipashon den Programanan Horizontal di EU, ku lo inkluí entrega di mas aplikashon pa finansiamentu den e aña benidero, ampliashon di e ret di kolaborashon i desaroyo di National Skills Strategy Roadmap 2026–2030 huntu ku ministerionan relevante.
“Kòrsou ta ekselá den Programanan Horizontal di EU,” segun EU Desk Kòrsou. “Nos ta tradusí kooperashon den finansiamentu kompetitivo — ku ta benefisiá nos hóbennan, nos inovadónan, nos empresanan i nos futuro. E programanan akí ta habrí pa tur hende.”
Mientras EU ta prepará pa su siguiente síklo di finansiamentu 2028-2034, Kòrsou ta den un posishon optimal pa amplia su partisipashon i sigui kontribuí na programanan ku ta stimulá kompetensia global, resiliensia i desaroyo sostenibel. “Ainda nos tin 2 aña pa benefisiá di e programa aktual ku ta finalisá na 2027. Ban deskubrí e kantidat grandi di programanan ku Union Oropeo ta ofresé nos. EU Desk ta finalisá.”
Organisashonan ku ta buska informashon pa tuma parti den Programanan Horizontal di EU por tuma kontakto via:
www.meo.cw/service/eu-desk-curacao
WILLEMSTAD – The EU Desk Curaçao, part of the Ministry of Economic Development (MEO), has successfully wrapped up EU Funds Week 2025, reaffirming Curaçao’s status as one of the top Overseas Countries and Territories (OCTs) in accessing EU Horizontal Programs.
These programs provide direct competitive funding for skills development, entrepreneurship, digital transformation, cultural cooperation, youth mobility, sustainability, and innovation.
From November 17–21, 2025, over 200 participants from the public and private sectors, NGOs, universities, and the creative industries explored opportunities through key EU funding programs eligible for Curaçao, including Erasmus+, Creative Europe, European Solidarity Corps, CERV, Internal Security Fund, Justice Program, LIFE, Digital Europe, and Horizon Europe.
A highlight of the week was the presentation of the EU-commissioned “Report on the Participation of OCTs in EU Programs 2021–2024,” which confirmed Curaçao’s strong upward trajectory. The report shows that Curaçao has secured more than €2.5 million (approximately Cg. 5 million) in EU funding through 66 projects involving 37 beneficiaries — the highest in its history. Participation continues to increase each year, reflecting strong institutional capacity, a growing private sector, and expanding partnerships across Europe.
The Opening Forum featured contributions from the EU Delegation in Barbados, the Netherlands Enterprise Agency (RVO), and consultants from Europe and Curaçao, showcasing European confidence in Curaçao’s potential and the value of the OCT Arrangement for enterprises, trade, export financing, and innovation. Site visits to Boca Sami, Curaçao Seaquarium, and Kaya Kaya highlighted the country’s competitive strengths in Blue Economy and Creative Industries, sectors that closely align with EU funding priorities.
The report highlights the EU Desk Curaçao’s increasing role as a vital supporter of this success. The EU Desk will now oversee the next stage of EU Horizontal program participation, including five new project submissions in 2026, further growth of partnership networks, and the development of the National Skills Strategy Roadmap 2026–2030 in collaboration with key ministries.
“Curaçao is excelling in EU Horizontal Programs,” said the EU Desk Curaçao. “We are turning cooperation into competitive funding — benefiting our youth, our innovators, our entrepreneurs, and our future. It is open for everybody.”
As the EU prepares for its upcoming major funding cycle (2028-2034), Curaçao is well positioned to expand its participation and continue supporting programs that enhance global competitiveness, resilience, and sustainable development. However, for now, we still stand to benefit from the current program that concludes in 2027.
Organizations seeking support to participate in EU Horizontal Programs can contact:
www.meo.cw/service/eu-desk-curacao
