Publiká riba 06 Desèmber 2023
Willemstad – Djaluna dia 11 di desèmber 2023 for di 12:00 di mèrdia Asuntunan Públiko (Kranshi) i Departamento di Reibeweis lo ta será pa públiko. E departamentonan aki ta organisá riba e dia aki un seshon pa nan kolaboradornan.
Sitanan ku ta kai riba e dia aki lo pasa pa djabièrnè, 15 di desèmber, na e mesun orario. En partikular pa e personanan ku tin sita pa saka Sédula, Pasport, karchi di Reibeweis òf éksamen riba e djaluna mèrdia aki. Èksamen teoria di reibeweis (na Sta. Rosa) ku lo mester a tuma lugá dia 11 di desèmber parti mèrdia ta bai djamars 12 di desèmber konforme di e mesun orario stipulá. Servisionan ku no mester di un sita tampoko por tuma lugá na Kranshi e dia aki.
Den kaso ku tin inklaridat òf adaptashon di sita por manda un mail na sita@gobiernu.cw. Si ta desea informashon adishonal por yama Lokèt di Pèrmit na 433-3123.
Kranshi ke pidi diskulpa pa kualke inkumbiniensia ku esaki por a kousa.
