Publiká riba 17 Mart 2024
Willemstad – Departamento di Asuntunan Públiko esta Kranshi a tuma nota ku siudadanonan ta hasi uzo debidamente di e servisio ku e ku yama ‘e-CuraCase’ ta brinda. Esei ta ku por pidi servisio òf dokumento via di internèt. Sinembargo e servisio di kambia adrès, esta registrá bo adrès nobo, no ta tumando lugá asina frequente via e sistema digital. Ku otro palabra ‘Online’.
For di yüli 2023 ku a introdusí e sistema ku yama ‘e-CuraCase’.
E sistema e-CuraCase aki tei for di aña pasá i ta brinda e posibilidat ku un siudadano por hasi petishon òf pidi un registrashon for di su kas. Esaki sin ku e tin bai na Kranshi personalmente. Ta posibel hasi uzo di e servisio digital i ta djis e ta bai tuma òf laga manda e dokumento pa e, te na su kas.
Pa evitá algomerashon innesesariamente na Kranshi ta enkurashá tur siudadano pa hasi uzo di e sistema ‘Online’. Djis bishitá e pagina wèp di gobièrnu di Kòrsou. Primi e boton “Loket Digital” despues Lokèt di Pèrmit i skohe ‘Verhuizen’. Skohe ‘Verhuizing en Adreswijziging’ i despues “Aanvragen”. Na “Bijzonderheden” tin informashon adishonal. Kiko ta e dokumentonan nesesario pa mustra den e kaso di kambio di adrès.
