Publiká riba 13 Òktober 2025
Willemstad – Asuntunan Públiko esta Kranshi di e ministerio di Maneho di Gobernashon, Planifikashon i Servisio Públiko ta notifiká pueblo en general ku djasabra, 18 di òktober i 15 di novèmber 2025, e ta habri solamente pa hasi petishon di pasport sin sita.
Kranshi ta habri e 2 djasabranan ariba menshoná di 8:30 di mainta pa 2:00 di tra’i mèrdia. Pa por garantisá un servisio optimal komo ku e petishonnan pa poasport ta aumentá fin di aña. Ta ofresé e servisio èkstra aki, spesial pa siudadano haña e oportunidat pa saka pasport sin sita. Tumando na kuenta ku e 2 dianan aki no tin sita delantá palabrá por surgi un tiki tardansa ku nos lo limitá esaki mas tantu posibel.
E rekesitonan nesesario pa saka un pasport nobo, por haña riba e website di gobièrnu di Kòrsou ku ta www.gobiernu.cw i bai LOKET DIGITAL.
Tuma bon nota: ta risibí pago solamente via swipe òf depositá e montante i presentá ku e prueba di pago ‘hardcopy’.
