Notisia

Willemstad –     Asuntunan Públiko (Kranshi), ofisina di reibeweis (Sta. Rosa), Lokèt di Pèrmit i Servisio di Atmishon (Imigrashon) di Ministerionan di Gobernashon, Planifikashon i Servisio Públiko (BPD) i tambe ministerio di Hustisia ta informá ku nan lo ta será riba djabièrnè 3 di yanüari 2025.

Dia 3 di yanüari 2025, e 3 departamentonan aki lo no ta disponibel pa por duna servisionan na públiko. E balinan di imigrashon ku ta situá den mes edifisio ku Lokèt di pèrmit na Salinja tambe lo ta será pa públiko.

Solamente 3 servisio na Kranshi ta sigui normal riba e dia aki .

Nan ta:

• registrashon di nasementu
• registrashon di fayesimentu
• kita nòmber for di registro.

Tur e 3 departamentonan  Kranshi i Reibeweis (Sta. Rosa), Lokèt di Pèrmit i Servisio di Atmishon lo habri bèk djaluna, 6 di yanüari 2025, pa sigui duna nan servisionan.

Nos ta keda konta ku komprenshon di nos klientenan i ta sigui sirbi nos komunidat na e manera kustumbrá den e aña nobo tambe.

Pa mas informashon por tuma kontakto ku Lokèt di Pèrmit, departamento Bentana di Informashon na 433-3123.

MAS NOTISIA

Ministerio konserní: Maneho di Gobernashon, Planifikashon i Servisio Públiko