WILLEMSTAD – Ministerio di Enseñansa, Siensia, Kultura i Deporte (ESKD) ta publiká tur informashon gubernamental relashoná ku Siman di Kultura 2024 (SdK). SdK e aña aki ta di 29 sèptèmber te ku 6 òktober 2024. E tema e aña aki ta : KULTURA TA NOS, BIB’É.Apertura di SdK ta tuma lugá dia 29 sèptèmber 2024 ku un Santu Sakrifisio di misa na Wishi di 08:00 pa 09:00 am. Despues di misa di 10:00 pa 11:30 tin un marcha di banderita ku ta sali for di Lanthùis Morgenster pasa misa i sigui pa hòfi Wayaká (den kurá di Habaai). Na hòfi Wayaká ta tene un seremonia ofishal di 17:00 pa 20:00. Durante di henter e dia tin aktividat pa grandi e chikí den hòfi Wayaká kuminsando for di 10:00 pa 12:00. Durante di henter e siman tin vários aktividat programá na Boka Samí, Otrabanda, Brievengat, Soto, Plasa Djodjo Korea i mas.
Por tuma nota di tur e aktividatnan den e aneksonan.
Pa klousura di SdK 2024 ta kombiná esaki ku Dia di Band’abou riba djadumingu, 6 òktober 2024 for di 09:00 pa 22:30. Parti mainta ta tene un Santu Sakrifisio di Misa, tin un marshe di benta di produktonan kultural, marcha kultural, un tremendo ambiente kultura den hòfi Popo Rojer i pa 22:00 ta sera e anochi ku un tremendo show di vürwèrk.
E aña akí a krea un logo nobo pa SdK 2024. E Logo di Siman di Kultura a keda deseá pa BAGI Creative Studio. E ‘brand’ akí no solamente ta honra e pasado di nos isla, pero tambe ta inspirá e generashonnan futuro. E elemento nan den e logo ta importante i nan ta para pa:
Den e imágennan athunto por tuma nota di tur informashon gubernamental.
—
KOMUNIKASHON
