Publiká riba 05 Sèptèmber 2023
Willemstad – Ministerio di Tráfiko, Transporte i Planifikashon Urbano (VVRP) huntu ku Ofisina di Turismo (CTB) i OSBOD a inisiá kursonan di sertifikado A i B pa persona ku ta interesá pa traha den e sektor di transporte públiko. Minister Charles Cooper a duna inisio na e trayekto importante aki ku tin komo meta pa sigui mehorá e servisio na kliente den transporte públiko na Kòrsou. Minister Ruisandro Cijntje, enkarga ku CTB, tambe tabata presente na e okashon aki.
Sertifikado A:
E kurso aki ta pa personanan:
– entre 25 i 62 aña,
– ku nashonalidat hulandes,
– ku pa promé biaha ta bai apliká pa transportá persona kontra pago,
– ku no tin un diploma ekivalente na MAVO/VSBO TKL,
– tin un diploma kaba di Vereniging Veilig Verkeer.
E kurso a kuminsá dia 4 sèptèmber 2023 i lo tin un durashon di 14 siman. Un total di 21 partisipante a kuminsá.
Sertifikado B:
E kurso pa sertifikado B ta pa personanan:
– entre 25 i 62 aña,
– ku tin un karchi di shòfùr ouksiliar bálido,
E kurso aki tambe a kuminsá dia 4 sèptèmber 2023 i lo tin un durashon di 14 siman. Un total di 35 partisipante a kuminsá.
