Publiká riba 21 Novèmber 2023
Willemstad – Tim di Prekario pa Karnaval 2024 ta informá ku tur persona ku ta deseá na haña un espasio pa pone su stènt òf stelazje pa por para wak Karnaval 2024, i ku no ta kliente eksistente di Prekario, por subi riba e lista di espera.
Por registrá via di e lenk panel.prekariocuracao.com/requestprekario ku a habri kaba for di 12.01am riba djaluna 20 di novèmber.
Di e forma aki, e persona ta subi riba e lista di espera pa por risibí un espasio riba ruta di Karnaval, si esaki ta posibel.
E lenk ta habrí te ku dia 15 di desèmber, i den yanüari 2024 lo informá e kliente si el ta haña un espasio.
Tim di Prekario ta indiká si ku e lista di espera no ta garantia ku ta risibí un espasio.
