Publiká riba 30 Mart 2020
Komo konsekuensia di ‘Keda bo Kas’
LOKÈT DI PÈRMIT (BENTANA DI INFORMASHON) NO POR DUNA SERVISIO KUSTUMBRÁ.
Willemstad – E úniko manera pa evitá ku e vírùs ku ta okashoná COVID-19 ta plama ta di evitá kontakto entre hende i hende. Pa e motibu ei e Gobièrnu a dekretá e asina yamá ‘Shelter in Place’. Ke mèn tur hende mester keda kas a ménos ku e tin motibu bálido pa subi kaya. P’esei ámtenarnan tambe mester keda kas i ofisinanan di Gobièrnu ta será. Lokèt di Pèrmit tambe ta será.
Bentana di Informashon ( Lokèt di Pèrmit) no por duna e servisionan kustumbrá manera sita pa pasport, sédula, reibeweis òf fecha pa kùr outo. Tampoko por entregá petishon òf tuma pèrmit.
Solamente den kaso ku tin emergensia di e Verklaring Omtrent Gedrag-VOG- por hasi uzo di e e-mail: vog.vl@gobiernu.cw. E liña konosí di telefòn 0800-1515 no ta den funshon na e momento aki pa motibu ku Lokèt di Pèrmit ta será.
Lo informá despues riba kontinuashon di e servisionan di Lokèt di Pèrmit na su debido tempu.
