Notisia

Willemstad – Lokèt di Pèrmit di Ministerio di Maneho di Gobernashon, Planifikashon i Servisio Públiko desaroyando pa yega na Lokèt di Komunidat, tabatin diferente interkambio di konosementu huntu ku diferente munisipio na Hulanda.

Den kuadro di e Programa di Gobernashon, Lokèt di Pèrmit ta desaroyando den e organisashon nobo ku yamá  Lokèt di Komunidat (Samenlevingsloket). Nos ta orguyoso pa kompartí ku den e desaroyo aki tabatin diferente interkambio di konosementu.  En partikular munisipionan na Hulanda pa e implementashon di nos futuro Lokèt di Komunidat. Den Òktober 2024, kolaboradónan di Lokèt di Pèrmit konhuntamente ku Asuntunan Públiko (Kranshi), tabatin e promé bishita na Munisipio di Amersfoort. Na sèptèmber 2025, representante di Munisipio di Almere a bini Kòrsou i trese diferente aspektonan i konosementu relashoná ku servisio na kliente. Den òktober 2025 a toka turno pa Lokèt di Pèrmit bishitá Munisipio di Deventer pa un interkambio balioso ku ta fortalesé nos servisio, i manera a menshoná anteriormente, e servisio di Lokèt di Komunidat. Alabes, tabatin un bishita na Vereniging Nederlandse Gemeenten (VNG) huntu ku bishita na Kabinete Minister Plenipotensiario na Kas di Kòrsou situá na Den Haag.
E kolaborashonnan aki a duna nos diferente ehèmpelnan práktiko tambe aun mas ambishon pa sigui krea un organisashon ku ta e punto sentral di Gobièrnu pa klientenan risibí servisio aksesibel i efisiente di kalidat haltu.

MAS NOTISIA

Ministerio konserní: Maneho di Gobernashon, Planifikashon i Servisio Públiko