Publiká riba 24 Sèptèmber 2024
WILLEMSTAD – Na e momentunan akí, ekspertonan rònt mundu a bini huntu na Kòrsou pa diskutí tokante kon manehá e desafionan relashoná ku krímen di propiedat intelektual. Alrededor di 375 eksperto for di mas ku 65 pais ta partisipando na e di 17 “International Law Enforcement Intellectual Property Crime Conference”. Pa promé biaha e enkuentro akí ta tuma lugá den Karibe ku e meta pa fortalesé kolaborashonnan global i koordiná aktividatnan kontra e tipo di krímen akí. Apertura ofisial di e evento a tuma lugá awe. Durante di e konferensia akí tambe lo establesé e promé Grupo di Tarea Nashonal pa Krímen di Propiedat Intelektual, ku lo duna asistensia profeshonal den aktividatnan kontra falsifikashon.
Krímen di propiedat intelektual ta un problema global ku ta sigui krese. Gruponan kriminal organisá ta hunga un ròl importante den komèrsio internashonal di produktonan falsifiká i reprodukshon ilegal. E komèrsio akí hopi bia ta bai akompañá tambe pa otro tipo di krímen, manera trafikashon di hende, korupshon i labamentu di plaka. E komèrsio di produktonan falsifiká i kopianan ilegal ta afektá tur industria i kontinente, for di teknologia i salubridat, te ku moda i entretenimiento. Bo ta mira efekto di esaki tantu den siudatnan grandi komo den áreanan rural. “Pa e motibu akí ta esensial pa bini ku un reakshon global i koordiná, awor ku kada region di mundu i tur sektornan ta keda afektá pa krímen di propiedat intelektual,.” segun Sekretario General di INTERPOL, sr. Jürgen Stock.
INTERPOL-secretaris-generaal Jürgen Stock.
E ekspertonan ku ta partisipá na e konferensia akí ta entre otro ofisialnan di outoridatnan di lei, profeshonalnan den seguridat i ekspertonan di industria. Meta ta pa huntu desaroyá strategianan efektivo pa ku aplikashon di lei. Durante di su spich, Minister di Hustisia di Kòrsou sr. Shalten Hato, a menshoná na nòmber di Konseho di Minister ku: “Mester uni forsa pa e lucha kontra krímen. Pa Kòrsou, e benefisio di establesé un grupo di tarea spesial ta bai mas leu ku solamente identifiká kriminalnan ku ta biaha internashonalmente i ataká kriminalidat ku ta pasa frontera; e interkambio di informashon ta esensial pa keda un stap adelantá di aktividatnan kriminal.”
Minister di Hustisia, Shalten Hato
Tema di e aña akí ta “Redusí e daño.” Atenshon spesial ta bai na e ròl di zonanan di komèrsio liber i seguridat di e kadena di suministro. E siguiente tres aspektonan prinsipial lo keda tratá:
George Borlase (Direktor Ehekutivo Interino di UL Standards & Engagement), ken a keda representá pa Timothy Rivelli (Senior Vice-President), a bisa: “Nos ta orguyoso di por traha ku INTERPOL, Gobièrnu di Kòrsou, i Curinde, pa huntu ku otro ‘stakeholders’ relevante kontribuí na interkambio di informashon, kual lo yuda bin ku solushonnan pa protehá nos mihó kontra e dañonan di falsifikashon.”
Timothy Rivelli, Senior Vice-President en Chief Legal Officer, UL Research Institutes (ULRI) en UL Standards & Engagement (ULSE)
E promé konferensia a tuma lugá na 2007, kual a krese bira awor e di 17 ‘International Law Enforcement Intellectual Property Crime Conference’, ku ta tuma lugá di djaluna 23 di sèptèmber te ku djárason 25 di sèptèmber. E evento ta un plataforma prominente pa profeshonalnan tantu riba tereno di outoridat di lei komo esnan for di sektor privá. Manera Sekretario General di INTERPOL, sr. Jürgen Stock, a bisa: “E konferensia akí lo duna impulso nobo na nos esfuersonan komun pa ataká e menasa akí, ku no solamente ta dañino pa salú públiko, pero tambe ta trese daño na ekonomia i debilitá komunidatnan.”
– Gilmar Pisas (minister-presidènt),
– Shalten Hato (minister di Hustisia),
– Javier Silvania (minister di Finansa en Salubridat, Medio Ambiente i Naturalesa),
– Charles Cooper (, minister di – Tráfiko, Transporte i Planifikashon Urbano)
– Jorge Fainstein Day Gastrell (Direktor (Pro-Tempore) di Kapasitashon i Entrenamentu, i Kabe di INTERPOL Global Academy)
– Timothy Rivelli (Senior Vice-President i Chief Legal Officer di UL Research Institutes (ULRI) i UL Standards & Engagement (ULSE)
– Eivind Borge (Capacity Building and Training Officer, International IP Crime Investigators College (IIPCIC)), INTERPOL Global Academy, gedetacheerd door de Noorse politie
