Djaluna 25 di yüni Parlamento a tene un reunion públiko ku Minister di e.o. deporte sra. Marilyn Alcalá-Wallé tokante e maneho di gobièrnu pa ku deporte i ku atenshon pa e vèltnan ku mester di mas atenshon i mantenshon. E maneho di deporte 2013-2017 a vensé i gobièrnu ta trahando riba un maneho nobo pa deporte i a instituí un grupo di trabou multidisiplinario pa realisá e plan di maneho nobo. Gobièrnu aktualmente ta konsentrá riba tres prioridat:
1. Deporte i moveshon den skolnan
– A duna supsidio adishonal na FDDK pa sostené 7 lider di Deporte (sportleiders) pa promové deporte i moveshon den skolnan;
– A kuminsá ku evaluashon di e kuríkulo di Enseñansa di Fundeshi pa duna mas atenshon na edukashon físiko i un estilo di bida salú;
2. Mehorá i mantené infrastruktura deportivo
– tin 4 fasilidat Deportivo aktualmente bou di maneho di FDDK. Kada un di e fasilidatnan aki tin un plan di mantenshon.
Pa un mihó bista di tur esaki por tuma nota di e komunikado athunto: Deporte
3. Promové turismo di deporte
– Kòrsou resientemente a bira miembro di CADE i CONCECADE pa yuda promové interkambio Deportivo entre paisnan karibense i amerikano.
Pa mas info tokante CADE: http://cadeportes.org/en/
– gobièrnu ta lantando su mes NADO, nos organisashon lokal di antidopahe pa garantisá ku nos atletanan ta clean. Mundialmente ta promové maneho antidopahe.
