Publiká riba 28 Mart 2024
Willemstad – Minister Charles Cooper huntu ku Servisio pa Obra Públiko (OW) ta informá ku entrante djamars 3 di aprel, trabounan di mantenshon ta bai tuma lugá riba Cadustraat. Esaki lo tin un durashon di un dia.
E trabou ta konsistí di asfaltá Cadushistraat, entre Kaya Milon di Seru i Kaya Kuihi. Kontratista Curaçaose Wegenbouw Maatschappij (CWM) ta enkargá ku ehekushon di e trabou. Orario di trabou lo ta di 8:30 di mainta pa 4.30 di atardi.
Durante ehekushon di e trabounan aki, habitantenan i negoshinan ku ta keda den e área aki por yega nan kas òf establesimentu normalmente. Pa otro outomobilistanan ku sa hasi uzo di e karetera aki, lo tin ruta alternativo ku lo wòrdu guiá pa bari oraño i bòrchinan.
Minister Charles Cooper i OW ta hasi un apelashon na tur outomobilista pa kore ku koutela.
