Mantenshon di kaminda na Souax West
Publiká riba
07 Febrüari 2026
Willemstad – Minister Charles Cooper huntu ku Servisio pa Obra Públiko (OW) ta informá ku entrante djamars 10 di febrüari 2026, trabounan di mantenshon di kaya lo kuminsá na Souax West den 2 fase. Esaki lo tin un durashon di 6 luna.
E trabou ta konsistí di drecha kayanan ku ta den mal estado. Kontratista ku ta enkargá ku ehekushon di e trabou ta CWM.
Kaya lo ta será durante ehekushon di e trabounan. Habitantenan i negoshinan ku ta keda den e área si por yega nan kas òf establesimentu normalmente. Pa otro outomobilistanan ku sa hasi uzo di e karetera, lo tin ruta alternativo ku lo wòrdu guiá pa bari oraño i bòrchinan.
Minister Charles Cooper i OW ta hasi un apelashon na tur outomobilista pa kore ku koutela.
