Mantenshon na un parti di Jan Noorduynweg entre Brazilweg i Juan Hatoweg
Publiká riba
27 Yanüari 2026
Willemstad –Servisio pa Obra Públiko (OW) ta informá ku entrante djaweps 28 di yanüari 2026, trabounan di mantenshon di kaya, lo tuma lugá riba un parti di Jan Noorduynweg entre Brazilweg i Juan Hatoweg. Esaki lo tin un durashon di 2 pa 3 dia. E trabou lo ta parti mainta.
E trabou ta konsistí di drecha e kaya ku ta den mal estado, i drecha e krusada elevá den e área. Kontratista ku ta enkargá ku ehekushon di e trabou ta Aliansa.
Kaya lo ta será durante ehekushon di e trabounan, for di Juan Hatoweg te ku Brazilweg. Habitantenan i negoshinan ku ta keda den e área si por yega nan kas òf establesimentu normalmente. Pa otro outomobilistanan ku sa hasi uzo di e karetera, lo tin ruta alternativo ku lo wòrdu guiá pa bari oraño i bòrchinan.
Nos diskulpa pa e inkumbinensia.
Minister Charles Cooper i OW ta hasi un apelashon na tur outomobilista pa kore ku koutela.
