Publiká riba 03 Mart 2026
Willemstad – Minister Charles Cooper huntu ku Servisio pa Obra Públiko (OW) ta informá ku entrante djamars 17 di mart 2026, trabounan di mantenshon di karetera ta bai tuma lugá riba Winston Churchillweg. E trabou lo tin un durashon di 4 siman. Esaki ta den área di Santa Maria.
E trabou ta konsistí di drecha i asfaltá e karetera ku ta den mal estado. MNO Vervat ta enkargá ku ehekushon di e trabou. E trabou lo tuma lugá parti anochi.
Durante ehekushon di e trabounan aki, habitantenan i negoshinan ku ta keda riba e kaya aki por yega nan kas òf establesimentu normalmente. Pa otro outomobilistanan ku sa hasi uzo di e karetera aki, lo tin ruta alternativo ku lo wòrdu guiá pa bari oraño i bòrchinan.
Minister Charles Cooper huntu ku OW ta hasi un apelashon na tur outomobilista pa kore ku koutela.
