Mester desmantelá tur stènt, trailer òf stelazje riba ruta pa mas tardá 9 di mart
Publiká riba
08 Mart 2025
Willemstad – Tim di Prekario pa Karnaval 2025 ta informá tur kliente di prekario, ku a konstruí sea stènt, trailer òf stelazje riba ruta di Karnaval, ku mester desmantelá i ‘ruim op’ tur kos pa mas tardá djadumingu 9 di mart pa 3or di mèrdia.
Tim di Prekario ta konta riba koperashon di tur kliente den esaki. Na momentu ku esaki no sosodé, lamentablemente e kliente por pèrdè su derecho di prekario pa Karnaval 2026.
