Mester kita tur ophetonan di propaganda polítiko den área públiko pa 29 di mart
Publiká riba
25 Mart 2025
Willemstad – Servisio pa Planifikashon Urbano (ROP) ta anunsiá na tur Partido Polítiko ku, konforme nos lei di Òrdu Públiko, denter di 8 dia despues di e fecha di elekshon, mester kita tur opheto di propaganda polítiko den área públiko.
ROP ta rekordá tur partido polítiko pa kita tur opheto di propaganda polítiko den área públiko promé ku djasabra awor 29 di mart 2025.
Pa mas informashon tokante esaki por tuma kontakto ku ROP via di number di telefòn 511-3874 òf na e-mail info.rop@gobiernu.cw.
Pa mas informashon tokante e eksigensianan pa bòrchi òf otro ophetonan di propaganda, por tuma nota di e Maneho pa Ophetonan di Propaganda (Beleid voor Reclame-uitingen) riba e wèpsait di VVRP (www.vvrp.cw).
