Minister Charles Cooper ta partisipá den Panel tokante Fasilitando Desaroyo Postal
Publiká riba
03 Yüni 2024
Willemstad – Minister di Tráfiko, Transporte, i Planifikashon Urbano Sr. Charles Cooper a partisipá den e panel titulá “Facilitando Desaroyo Postal atraves di Mihó Koperashon: Konstrukshon di Resilensia i Inklusividat” pa diskutí e futuro i e situashon aktual di servisionan postal na Kòrsou.
Tendensianan notabel manera e bahada den volumen di ingreso postal a resaltá, kousando un nesesidat pa solushonnan inovativo pa adaptá na demandanan nobo.
Tendensianan Klave na Kòrsou:
Digitalisashon i Kompras ‘Online’:
Ku e subida di digitalisashon, tin un kambio signifikante pa kompras ‘online’, eksigiendo un servisio postal adaptá.
Paga na Kioskonan:
Kioskonan nobo ta permití varios servisionan di pago, i esaki a resudí dependensia riba kahera tradishonal.
Agensianan postal di tersera:
Pa reemplasá ofisinanan postal tradishonal, agensianan postal ta wòrdú otorgá na tersera.
Koperashon Internashonal:
Minister Cooper a duna atenshon speshal na e importansia di koperashon internashonal, señalando kolaborashon ku aktornan klave manera DHL pa servisio postal mundial, MoneyGram pa servisio di pago finansiero, i akuerdonan ku kompanianan di karga sirbiendo Panama, Latino America, China, Merka, i Europa.
Koperashon entre sektor públiko i privá:
Koperashon entre sektornan públiko i privá ta esensial. E servisio postal na Kòrsou a stablesé kolaborashonnan ku kompania di seguro pa aseptashon di primanan, entidatnan gubernamental pa kolekshon di impuesto, i kompania di utilidat pa kolekshon di pagonan di tersera.
Konstrukshon di Resilensia:
Despues di pandemia, enfoke ta riba konstrukshon di resilensia. Servisio di entrega na kas a wòrdú introdusí pa adaptá na komportashon nobo di konsumidó. Desaroyo di merkadonan nobo i solushonan di ‘e-commerce’, spesialmente di Merka i Hulanda, ta un tòp prioridat.
Inklusividat:
Cpost, komo operadó designá ta sigurá akseso igual pa servisio postal na tur isla. Introdukshon di ‘community mailbox clusters’ (CMBs) ta trata pa mantené e servisio di entrega.
Medio Ambiente i Sostenibilidat:
E esfuersonan pa sostenibilidat ta inkluí un akuerdo ku kompania di utilidat lokal pa instalashon di panelnan solar i un akuerdo ku un kompania di entrega privá pa inkorporá vehíkulonan eléktriko (EV) pa post i entrega di pakete.
Eksperiensia di Kliente:
Mehorá e eksperiensia di kliente ta un meta prinsipal. Introdukshon di kioskonan pa servisio outomatisá ta ofresé un solushon di pago ku ta redusí gastunan operashon. Ademas, e aplikashon di Cpost ta mehorá komunikashon i konektividat pa usadónan.
Futuro di Servisianan Postal:
E panel a diskuti tendensianan nobo, inkluíendo provision di servisio di karga (marítimo i aéreo), i preparashon pa servisionan di negoshinan di tersera, manera kolekshon di pago. Metodonan inovativo di entrega, manera pa agrupá di pakete i prueba digital di entrega, tambe ta wòrdú eksplorá.
