Minister Charles Cooper ta partisipá na e di 39 Konferensia Anual i Eksibishon Komersial di CANTO
Publiká riba
08 Yüli 2024
Willemstad – Ministerio di Tráfiko, Transporte, i Planifikashon Urbano ta kontentu pa anunsiá e partisipashon aktivo di Minister Charles Cooper na e di 39 Konferensia Anual i Eksibishon Komersial di Caribbean Association of National TeleCommunications Organization (CANTO). E evento prestigioso aki ta tuma lugá di 7 di yüli te ku 10 di yüli na Miami, Florida.
E konferensia anual di CANTO ta sirbi komo e plataforma prinsipal pa partisipantenan di telekomunikashon Karibeño diálogá, interkambiá di idea, i eksplorá e avanse teknológiko mas resien. E tema di konferensia, “Towards A Sustainable Digital Economy”, ta suprayá e ròl fundamental di telekomunikashon den promové desaroyo regional i kresementu ekonómiko.
Punto Prinsipal di partisipashon di e Minister:
1. Presensiá Diskushon den Pènèl: Minister Cooper a eksperensiá diferente diskushon di pènel di nivel haltu riba asuntu krusial manera transformashon digital, desaroyo di infrastruktura, i struktura regulatorio. E konosementu atkerí durante esaki por kontribuí na mehorá e resilensia di nashonnan Karibeño den e ekonomia digital global.
2. Oportunidat pa nètwèrk: E konferensia ta ofresé un oportunidat sin igual pa nètwèrk ku lidernan di industria, i desaroyódanan di maneho. Esaki lo pèrmití Minister Cooper pa forma lasonan stratégiko i kolaborashon ku por benefisiá e sektor di telekomunikashon di Kòrsou.
3. Bishitá Eksibishon: Bishitando e eksibishon komersial, Minister Cooper lo haña un bista kla di teknológia i solushonnan di último modelo. E konosementu aki ta krusial pa determiná direkshon di maneho pa futuro i sigurá ku Kòrsou ta keda na e áltura di inovashon di telekomunikashon.
Benefisio pa Kòrsou:
– Kresmentu Ekonómiko: Partisipashon den CANTO ta fasilitá solushonnan inovativo ku por stimulá kresementu ekonómiko. Ku e konosementu atkerí, Kòrsou por mehorá su infrastruktura di telekomunikashon, atraé invershon, i krea oportunidat nobo di trabou.
– Inklushon Digital: E enfoke di e konferensia aki riba inklushon digital ta alineá ku e kompromiso di Kòrsou pa sigurá ku tur suidadano tin akeso na servisio di telekomunikashon pagabel i konfiabel. Esaki ta esensial pa atendé ku desaroyonan digital i promové igualdat sosial i ekonómiko.
– Desaroyo Sostenibel: Adaptando praktikanan sostenibel di telekomunikashon ta vital pa e sostenibilitat ambiental i ekonómiko di Kòrsou. E konosementu ganá for di CANTO lo apoyá desaroyo di maneho ku ta promové teknológia bèrdè.
Minister Cooper ta konfiá ku Kòrsou su partisipashon den e 39 Konferensia Anual di CANTO i Ekshibishon Komersial lo duna benefisio signifikante pa Kòrsou. Minister Cooper ta keda komprometé pa avansá nos sektor di telekomunikashon i sigurá ku nos nashon ta sigui próspera den e era digital.
Tokante CANTO:
CANTO ta un asosashon di komersio prinsipal di operadornan di telekomunikashon den e Karibe. Establesé na 1984, e mision di CANTO ta pa fasilitá desaroyo di solushon ICT pa e benefisio di tur stakeholdernan den e región.
