Publiká riba 08 Òktober 2025
Willemstad – Durante di e siman aki 35 embahador di Reino establesé den hemisferio oksidental ta di bishita na Kòrsou na okashon di nan konferensia regional. Nan a skohe Kòrsou pa tene nan konferensia i Promé Minister Gilmar Pisas a yama nan bon biní durante di un resepshon djaluna anochi i a risibí nan di un forma masha kaluroso. Pa agregá e “Curaçao Experience” na e programa, Minister di Desaroyo Ekonómiko Roderick Middelhof a komplementá ku un paseo den otrobanda pa sera e embahadornan konosí ku nos sentro di siudat su kara artístiko i sosial.
