Notisia

Entrega di Sertifikado na koleganan ku a finalisá e kurso ku éksito

WILLEMSTAD –Minister di Enseñansa, Siensia, Kultura i Deporte (ESKD) sr. Sithree van Heydoorn a hasi entrega di sertifikado na un total di 7 kolaboradó di Ministerio di ESKD ku a terminá e kurso pa bira BOA (Buitengewone Opsporingsambtenaar) i ta bai traha den e trayekto di kontròl pa e unidat di enseñansa obligatorio i komo inspektor pa e área di edukashon pre-eskolar. Dos kolega mas tambe a kaba pero nan no tabata por tei presente. E entrega a tuma lugá den presensia di Sekretario-General sra. S. Larmonie – van Heydoorn, Direktor di Sektor di Kultura i Deporte sra. L. Sambo-Velder, representante di Direktor di Sektor di Enseñansa i Siensia sra. S. van Uyrecht i representante di FICTOS sr. G. Rommy.

Di 18 òktober 2023 te ku 24 aprel 2024 e kolaboradó nan a partisipá na e kurso i esaki a keda duná pa e organisashon FICTOS. E kolaboradó nan ta di e dos sektornan di e ministerio. Tantu e koleganan di inspekshon di sektor di kultura i deporte i esunnan di e unidat di enseñansa obligatorio ta pilar nan indispensabel pa e parti di kontròl i supervishon den e ministerio di ESKD. E dos tim nan aki ta hopi importante pa e muchanan su desaroyo pre-eskolar i pa nan desaroyo den enseñansa. E enfoke ta riba formashon i enseñansa di tur mucha di edat di 0 te ku 18 aña. E koleganan ku a finalisá e kurso ta:

Na mes momentu e kolaboradó nan sra. Natalie Kirindongo i sr. Carlos Brazil a traha kada un, un dokumento ku puntonan di atenshon aden kaminda ta mustra riba e loke mester pa e organisashonnan por ehekutá nan trabou mas mihó. Kada un a hasi entrega di un dokumento na Minister i miembronan di tim di maneho di ministerio di ESKD. A la bes Inspektor – General di Ministerio di ESKD sr. Raily Goedgedrag tambe a yama e koleganan pabien i indiká ku ta huntu ta bai sigui traha komo un núkleo den enseñansa.

—

KOMUNIKASHON

**Riba e potrètnan athunto por tuma nota kaminda Minister sr. S. van Heydoorn a hasi entrega di sertifikado. Pa mas potrèt por bishitá: Entrega di sertifikado BOA

MAS NOTISIA

Ministerio konserní: Enseñansa, Siensia, Kultura & Deporte