Publiká riba 22 Desèmber 2025
Ministerio di Hustisia a risibí e rapòrt anual di e Komishon di Supervishon di Kuido di Detenido (CTA). Sekretario General señora Gimena van der Gen a risibí e rapòrt di man di presidente Maritza Becher i sekretario Saïd Hensen.
Durante un kombersashon konstruktivo, a reflehá riba e konklushónan di e komishon i riba posibilidatnan pa sigui fortalesé i mehorá kuido di detenido riba nos isla. Den un kuadro di kolaborashon i desaroyo kontinuo, a kompartí ideanan pa sigui elevá e nivel di kuido, ku atenshon pa profeshonalismo i trato humano.
Ministerio di Hustisia ta apresia e kompromiso di CTA i ta mira e rapòrt anual komo un kontribushon importante pa mehorashon kontinuo den e kadena hudisial.
