Publiká riba 01 Yüli 2025
WILLEMSTAD – Relashoná ku preparashon i ehekushon di e evento kultural “KIMINA: E Ko’i Tambú” ku ta tuma lugá awe djamars, 1 di yüli 2025, riba Plasa di Fort Amsterdam, e personal di Ministerio di Asuntunan General ta haña mitar dia liber te kaminda ku e servisio ta pèrmití esaki.
E ministerio lo sera su porta awe pa 12’or di mèrdia. Motibu di e desishon akí ta pa duna espasio na e trabounan logístiko i organisatorio ku ta tuma lugá rondó di e evento, den serkania di e ministerio.
Ministerio di Asuntunan General ta konta riba komprenshon di tur hende pa e medida temporal akí.
