Publiká riba 18 Mart 2024
E programa pa ‘The Ambassador Edition of the Curaçao Experience 2024’ a kuminsá awe djaluna 18 di mart. E evento úniko aki ta tumando lugá pa promé biaha na Kòrsou. Embahadónan di mas ku 25 pais ta partisipá. Ta un oportunidat úniko pa reforsá e relashon entre Kòrsou i e paisnan partisipante.
Mainta, na Banko Sentral di Kòrsou i Sint Maarten, Minister Plenipotensiario Carlson Manuel, a duna bon bini na e invitadonan. Despues di esaki, Minister President Gilmar Pisas a hasi e apertura i a sigui ku algun presentashon.
Mèrdia e embahadónan a bishitá algún lokalidat pa asina por sintí e ‘Curaçao Experience’. Nan a bishitá entre otro: e Parke di Mulina, Curaçao Refinery Utilities (CRU) i Refeneria di Kòrsou (RdK).
E meta ta pa eksplorá posibilidatnan di kolaborashon. Na e momento aki na Kòrsou pa e evento aki, tin embahadónan di entre otro: Surnam, Bolivia, Kazakstan, Panama, Repúblika Dominikano, Brasíl, Canada, Fransia, Slovenia, Moldavia, Nigeria, Peru, Chili, Costa Rika, Suisa, El Salvador, India, Argentinia, Italia, Bélgika, Malta, Uruguay i Colombia.
E programa ofisial ta durá te ku djaweps 21 di mart awor.
