Publiká riba 15 Sèptèmber 2024
Willemstad – Minister di Edukashon, Siensia, Kultura i Deporte (ESKD) ta anunsiá ku a konsekuensia di e kalor ekstremo ku lo bai tin e dianan benidero i den konsulta ku e Servisio di Meteo i direktiva di skolnan supsidiá dor di gobièrnu, a tuma un medida general pa adaptá orarionan di skol temporalmente.
For di djaluna 16 di sèptèmber 2024, tur skol di enseñansa básiko i spesial lo kaba for di 12:00or di mèrdia pa un periodo di dos siman. Enseñansa sekundario lo konta ku un roster adaptá na durashon mas kòrtiku.
Direktiva di skolnan supsidiá dor di gobièrnu, lo implementá tambe e konsehonan di Ministerio di GMN pa garantisá salú di tur personal i alumno.
Ta pidi mayornan, shofùrnan di transporte eskolar, doñonan di trabou, komunidat i otro interesadonan komprenshon pa e medida temporal aki, ku ta wòrdu tumá i manera ya menshoná ku esaki ta na bienestar i salú di personal i studiantenan.
Lo sigui vigilá e situashon di forma hopi estrikto i lo komuniká eventual desaroyo i/of mas medida si esaki ta nesesario promé ku djabièrnè próksimo.
