Notisia

WILLEMSTAD – Minister di Desaroyo Sosial, Labor i Bienestar (SOAW) ta anunsiá ku e suèldu mínimo pa ora na Kòrsou lo keda oumentá entrante 1 di yanüari 2026. E kambio aki ta e resultado di indeksashon a base di e oumento di preisnan pa konsumidó entre ougùstùs 2024 i ougùstùs 2025.

Montantenan bruto nobo entrante 1 di yanüari 2026
For di e fecha di entrada, e siguiente montantenan bruto ta na vigor pa trahadónan di 21 aña òf mas:

• Suèldu mínimo pa ora: Cg 11,93.
• Pa siman (40 ora di trabou): Cg 477,20.
• Pa luna (40 ora di trabou): Cg 2.067,87.

Pa trahadónan ku un siman di trabou mas largu, e montantenan pa siman i pa luna ta mas altu, manera Cg 572,64 pa siman den kaso di 48 ora di trabou. E suèldu mínimo pa ora ta konta pa tur trahadó, inkluyendo personal doméstiko.

Personal doméstiko i dedukshon
Pa personal doméstiko tin reglanan spesífiko pa loke ta trata gastu di kuminda i hür di kamber:

• Personal ku ta biba serka e dunadó di trabou: Por dedusí un montante te ku un máksimo di Cg 300,00 pa luna for di e suèldu mínimo.
• Personal ku no ta biba serka e dunadó di trabou: Pa kuminda suministrá por dedusí un máksimo di Cg 1,50 pa desayuno òf un kuminda di pan, i Cg 5,00 pa un kuminda kayente.

Suèldu mínimo hubenil
Empleadonan entre 16 i 21 aña tin derecho riba un suèldu mínimo hubenil ku ta den proporshon rasonabel ku e suèldu pa ora:

• 20 aña (90%): Cg 10,74 pa ora.
• 19 aña (85%): Cg 10,14 pa ora.
• 18 aña (75%): Cg 8,95 pa ora.
• 16/17 aña (65%): Cg 7,75 pa ora.

Minister ta enfatisá ku tur dunadó di trabou ta obligá pa paga por lo ménos e montantenan aki entrante 1 di yanüari 2026.

Tabel minimumuurloon 2026

MAS NOTISIA

Ministerio konserní: Desaroyo Sosial, Labor i Bienestar